دليل تنسيق ألوان الملابس كل يوم بسهولة وفقاً للون بشرتك
تنسيق ألوان الملابس مهارة بتحتاجي تتعلميها لأنها بتساعدك تطوري مهاراتك في الأزياء والملابس الشخصية ليكي. ولو أنتِي من المهتمين باحتراف مهنة الستايلينج وتعلم أسسه وقواعده للعمل مع المشاهير، فتعلم طريقة تنسيق ألوان الملابس بيعتبر خطوة أساسية وجزء مهم من محتويات كورسات الستايلينج في مدارس الموضة المختلفة أو الموجودة أونلاين زي "كورس الستايلينج وتنسيق الملابس على منصتنا فنون".
وبعيدا عن احتراف الستايلينج، لو أنتي من السيدات إللي بتقف كثير قدام المراية وبتحتار في اختيار وتنسيق ألوان الملابس وبتحسي إن عقلك خالي من الأفكار الجديدة إللي بتساعدك على التجديد في لبسك كل يوم، فبنقدملك هنا دليل مفصل عن طريقة تنسيق ألوان الملابس وإزاي بسهولة تختاري الألوان المناسبة لبعضها البعض من غير تفكير طويل. وفي النهاية بعد ما تعرفي درجة لون بشرتك وإيه للي بيناسبك من الألوان هتقدري تعملي تنسيقات مختلفة لألوان مختلفة تضيف الكثير للون بشرتك.
استخدمي عجلة الألوان في تنسيق الملابس:
عجلة الألوان أو الـ color wheel هي وسيلة معروفة عند خبراء الديكور والتلوين لوصف وعرض العلاقات بين الألوان، تأتي في شكل حلقة دائرية تُرص فيها الألوان في شكل خطوط، بحيث تظهر فيها الألوان الأساسية والألوان الفرعية والثانوية بشكل مرتب على أن يكون كل لون هو نتاج اللونين المجاورين له. استخدام العجلة دي هيسهل عليكي حياتك فيما يخص اختيار ألوان جديدة كل يوم لتنسيقها مع بعض، عشان كدا بننصحك أن تطبعيها وتعلقيها في مكان قريب من عينيك أو في خزانة ملابسك. وهنشرحلك أنواع الألوان وعلاقاتها ببعضها وطريقة استخدام العجلة في تنسيق ألوان الملابس بالتفصيل في السطور الجاية.
إيه هي الألوان إللي تتضمنها عجلة الألوان؟
١. الألوان الأساسية: وهي الألوان إللي لا يمكن الحصول عليها لما تمزجي أي لونين مع بعض: وهي الأحمر، والأصفر والأزرق وهي كمان الألوان إللي بينشأ منها أغلب الألوان الثانية.
٢. الألوان الثانوية:
هي الألوان إللي بيتم الحصول عليها من خلال مزج أي لونين من الألوان الأساسية.
مثال: الأحمر + الأزرق = بنفسجي
الأصفر + الأزرق = الأخضر
الأحمر + الأصفر = البرتقالي
٣. الألوان الفرعية: وهي الألوان إللي بتنشأ عند مزج لون أساسي مع لون ثانوي. ومن خلالها بتتكون كل درجات الألوان تقريبا. فمثلا مزج الأصفر مع الأخضر، هيتكون اللون الليموني، ومزيج الأحمر مع البرتقالي هيتكون عن البرتقالي المحمر وهكذا.
ازاي تستخدمي عجلة الألوان في دليل تنسيق الملابس؟
عجلة الألوان لها قواعد بتحدد إذا كان ممكن تنسيق لونين أو لأ. وممكن تعتبري عجلة الألوان هي المرجع الأساسي ليكي لو محتارة تنسقي لونين مع بعض أو لأ، اعرفي بعض من قواعد دائرة الألوان المفيدة في تنسيق لبسك هنا:
القاعدة الأولى: الألوان المقابلة / التكميلية
في علم الألوان، كل لون يقابل الأخر على دائرة الألوان يكون مكمل له، ويظهر تباين واضح بينهم، فمثلا اللون الأحمر مكمل للون الأخضر، والأزرق مكمل للون البرتقالي، الأصفر مكمل للبنفسجي. تقدري تنسقي بين الألوان بدرجاتها المختلفة حسب ذوقك الخاص. لو جريئة كفاية اختاري الألوان الصريحة القوية زي الأحمر والأخضر ولو بتميلي للهدوء نسقي بين الألوان المقابلة الهادئة زي الأصفر الفاتح الباستيل مع الموف الباستيل.
القاعدة الثانية في دليل تنسيق الألوان: توحيد الألوان - ستايل المونوكروم
وهي طريقة معروفة بين خبراء الموضة، بتقومي فيها باختيار لون واحد والجمع بين درجاته المختلفة في لوك واحد فيما يعرف بستايل المونوكروم. هتلاقي تدرجات كل لون في خط واحد على دائرة الألوان.
مثلا: البسي توب باللون الوردي الفاتح مع بنطلون بالون الوردي الغامق وإكسسوارات بنفس الألوان. ولو كنتي بتميلي للجرأة اختاري لون زاهي ونسقيه مع درجاته بنفس الطريقة زي الأحمر أو الأزرق الصريح.
القاعدة الثالثة: مثلث الألوان
تخيلي شكل المثلث على عجلة الألوان، ومع تكوينه تقدري تنسقي أي ثلاث ألوان يكونهم أضلاع المثلث مع بعض. مثلا. الأخضر، البرتقالي والبنفسجي، أو الأرزق والبرتقالي مع الوردي.
القاعدة الرابعة في دليل تنسيق الألوان: الألوان المتقاربة
من اسمها هي كل ثلاث ألوان أو لونين متجاورين في دائرة الألوان وعادة ما تنسجم الألوان دي مع بعض لأنها بتكون قريبة من ألوان الطبيعة، زي الأحمر والبرتقالي، درجات الأخضر والأزرق.
القاعدة الخامسة: الألوان المتناظرة
وهي الألوان المجاورة مع حذف اللون الأوسط، فمثلا الأزرق مع البنفجسي ، والأخضر مع الأصفر. عادة الألوان دي تتناسق مع بعضها البعض بشكل ملفت.
دليل تنسيق ألوان باستيل
هي الدرجات الهادئة من كل لون، وبتقدري تنسقي أي منها مع بعض إما بشكل ثنائي أو ثلاثي حسب ذوقك.
نظرية ال ٦٠% - ٣٠% - ١٠%
القاعدة دي معروفة في مجال تنسيقات ديكور البيت وبتقوم على فكرة انك تختاري لون أساسي يشكل ٦٠% من ديكور الغرفة، مثلاً البيج في ألوان الحيطان والأرضيات وبعدها اختيار لون ثاني يشكل ٣٠% زي الأزرق وتقدري توظيفه في أريكة كبيرة ولون ثالث توظيفه بنسبة ١٠% زي الأصفر إللي ممكن يكون في اكسسوارات زي الوسائد.
نفس النظرية ممكن تطبيقها مع الملابس، لو أنتي بتميلي لتنسيق أكثر من ٣ ألوان مع بعض نسقيهم بنسبة الـ ٦٠% في القطع الأساسية كالجينز والـ ٣٠% في القطع العلوية والـ ١٠% في الإكسسوارات كالحقيبة.
أخيرا: الألوان الدافئة والألوان الباردة
بتنقسم الألوان على عجلة الألوان إلى نوعين، الألوان الدافية وهي ألوان بتدي إحساس بالدفء والحرارة والحيوية زي الأحمر والأصفر والبرتقالي، والألوان الباردة وهي العكس وبتدي إحساس بالهدوء والراحة وهي درجات الأرزق والأخضر والبنفسجي، ويفضل تنسيق الألوان حسب لون بشرتك وعينكي وشعرك.
تنسيق الألوان ولون البشرة
بعد ما عرفنا قواعد وأساسيات تنسيق الألون يأتي السؤال المحير هل أي لون بيليق عليا ولا في ألوان محددة بس هي إللي بتليق وألوان تانية مش بتليق؟! .الإجابة هي كل الألوان ممكن تليق عليك فقط إذا عرفتي السر وهو اختيار درجة اللون التي تليق عليكي
أساليب تحديد درجة لون البشرة
درجة لون بشرتك يختلف عن اللون الظاهري أو السطحي للبشرة، فدرجة اللون الأصلي للبشرة بتتحدد من كمية الملانين أ الصبغة الموجودة في الجلد وده مشس بيتغير مع تغيير لون بشرتك الظاهري بسبب الشمس مثلاً. ودرجة لون البشرة هي إما باردة أو دافئة أو محايدة وكل درجة منهم في ألوان معينة بتليق عليها جداً وبتظهرها.
الأسلوب الأول لاختبار درجة لون البشرة
بيكون عن طريق النظر للون العروق في الجهة الداخلية من اليد (الرسغ) ويكون اختبار الرسغ في مكان به إضاءة طبيعية، فإذا ظهرت العروق بلون أزرق أو بنفسجي فده معناه إن درجة لون بشرتك باردة. أما إذا ظهرت عروقك خضراء فده معناه إنك صاحبة بشرة دافئة. ولو معرفتيش تحددي برضه عروقك خضراء ولا زرقاء فده معناه إن درجة لون بشرتك محايدة.
الأسلوب الثاني لاختبار لون البشرة
. الأسلوب الثاني بيكون عن طريق اختبار البشرة وإزي بتتفاعل مع الشمس ، فكمية الميلانين الموجودة في بشرتك هي إللي بتحدد إزاي بشرتك هتتفاعل مع الشمس، فإذا كان بإمكانك امتساب اللون الأسمر بطريقة سهلة ونادراً ما تحترقين، فده معناه إن بشرتك مليئة بالميلانين وبشرتك في الغالب دافئة. أما إذا كانت بشرتك تحترق ولا تكتسب اللون الزسمر فهذا يعني إن الملانين قليل ببشرتك، وإن بشرتك باردة. ملحوظة مهمة: بعض السيدات قد يكون لديهم بشرة داكنة جداً لا تحترق بسهولة إلا أنها أيضاً تعتبر بشرة باردة.
الأسلوب الثالث لاختبار لون البشرة
الأسلوب الثالث بيكون عن طريق استعمال ورقة بيضاء جنب بشرة وجهك، وملاحظة كيف تبدو بشرتك في المرآة. فإذا كانت بشرتك تبدو صفراء أو شاحبة بالنسبة للورقة البيضاء فده معناه أنك صاحبة بشرة دافئة. أما لو كانت بشرتك تميل للون الوردي أو الأحمر الذي يميل للأزرق فده معناع إنك صاحبة بشرة باردة. أما في حالة إذا كانت بشرتك تميل للون الرمادي ، فأنا صاحبة بشرة محايدة، ويمكنك هنا تجربة فيمكنك تجربة الدرجات اللونية الدافئة والباردة.
الألوان التي تليق على البشرة الدافئة
تليق على البشرة الدافئة الألوان الموجودة على الجانب الدافئ من عجلة الألوان مثل اللون الأحمر، والبرتقالي، والأصفر،والذهبي، والمرجاني، اللون الخوخي ولون العنبر. فكل الألوان الدافئة ستناسبك، كما يمكنك تجربة بعض الدرجات الدافئة من الألوان الباردة مثل الزيتوني، البنفسجي المحمر، وغيرها فكل الألوان تليق على كل ألوان البشرة، المهم هو اختيار درجة اللون المناسبة.أما الألوان المحايدة الملائمة للبشرة الدافئة فنرشح لك منها الرمادي الداكن ولون الكافيه والكريمي. وننصحك بالإبتعاد عن اللون الأزرق الفاتح. ولون الياقوت الأزرق واللون البنفسجي.
الألوان التي تليق على البشرة الباردة
تليق على البشرة الباردة الألوان الموجودة على الجانب البارد من عجلة الألوان مثل اللون الأزرق، اللافندر، اللون الوردي، والرمادي. فكل الألوان الباردة ستناسبك، كما يمكنك تجربة بعض الدرجات الباردة من الألوان الدافئة مثل الأصفر الباهت، الأحمر الياقوتي، وغيرها فكل الألوان تليق على كل ألوان البشرة، المهم هو اختيار درجة اللون المناسبة.أما الألوان المحايدة الملائمة للبشرة الدافئة فنرشح لك منها الأبيض الناصع، اللون اللون الكحلي. وننصحك بالإبتعاد عن اللون البرتقالي، واللون الأصفر الفاقع ،فهي ألوان ستتعارض مع لون بشرتك تماماً.
الألوان التي تليق على البشرة المحايدة
.تليق جميع الألوان على البشرة المحايدة فأصحاب البشرة المحايدة يمكنهم اختيار أي لون من عجلة الألوان. لكن من المفضل دائماً اختيار درجة الألوان الهادئة والأبتعاد عن الدرجات الفاقعة. ولكن نستثني من هذا اللون الأحمر ، فستبدين متألقة دائماً في اللون الأحمر.أما الألوان المحايدة الملائمة للبشرة المحايدة فنرشح لك منها الأسود،والأوف وايت. وننصحك بالإبتعاد عن اللون الأرجواني، واللون اللبني ،فهي ألوان ستتعارض مع لون بشرتك تماماً.
كورس ستايلينج وتنسيق الملابس أون لاين - ابدئي الآن
ولو أنتي مهتمة بالستايلينج تقدري دلوقتي من خلال كورس الستايلينج أون لاين على موقعنا فنون تعرفي تفاصيل أكثر عن طريقة تنسيق الملابس والألوان الأفضل ليكي، وتدرسي أنواع الأجسام، وأنواع قصات الملابس والستايلات المتنوعة وامتى تختاري الأنسب لكل مناسبة وهنديكي كبسولات للتعامل الصحيح مع أي عميل ومعلومات ومهارات أكثر بكثير تقدري تطبقيها على ستايلك على